Donald Tramp Buyuk Britaniya, Fransiya, Germaniya va AQShning Yevropadagi boshqa ittifoqdoshlarini Suriyada asirlikka tushgan 800 nafardan ortiq IShID jangarisini “qaytarib olish” va sudga tortishga chaqirdi. Bu haqda Meduza xabar berdi.
Aks holda AQSh ularni qo‘yib yuborishga majbur bo‘ladi.
“AQSh IShID jangarilari Yevropaga suqilib kirishini kuzatib turish niyatida emas. Biz juda ko‘p ish qilyapmiz va haddan ziyod katta mablag‘ sarflayapmiz. Boshqalar ham qo‘lidan kelganini amalga oshiradigan payt keldi”, — deya ta’kidlagan Tramp Twitter’dagi sahifasida.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)