“Ehtirom—2018” mukofoti sovrindorlarini taqdirlash marosimi bo‘lib o‘tadi

12-yanvar kuni O‘zbekiston Madaniyat vazirligi tomonidan san’at va madaniyat vakillari hamda o‘z ijodiy tajribalari bilan yoshlarga ibrat bo‘layotgan ustoz san’atkorlarni qo‘llab-quvvatlash maqsadida “Ehtirom” mukofoti sovrindorlarini taqdirlash marosimi o‘tkaziladi. Bu haqda vazirlik matbuot xizmati xabar berdi.

“Ehtirom” mukofoti “Teatr, kino va ommaviy tomoshalar”, “Estrada, an’anaviy, opera xonandalik, musiqa ijrochiligi va raqs san’ati”, “Tasviriy va amaliy san’at”, “Badiiy ijod, jurnalistika va televideniye”, “E’tibor, ehtirom, e’zoz” kabi 5 ta yo‘nalishda taqdim etiladi.

Xabarda aytilishicha. bu yilgi “Ehtirom—2018” mukofotini taqdirlashda ijodkorlarning “Faol investitsiyalar va ijtimoiy rivojlanish yili” dasturida belgilangan vazifalarni amalga oshirish jarayoniga e’tibor qaratiladi.