Chorshanba kuniga o‘tar kechasi Isroilning shimolida qor yog‘di. Xermon tog‘idagi qor uyumi bir metr balandlikni tashkil etdi. Bu haqda “TASS” xabar berdi.
Qor yog‘ishiga hafta boshida mamlakatda boshlangan kuchli bo‘ron sabab bo‘lgan. Butun Isroil bo‘ylab davom etgan yomg‘irli momaqaldiroq va chaqmoq shimoldan, mamlakatning janubidagi Qizil dengiz sohilida joylashgan Eylat shahrigachaga tarqalgan.
“Yaqin orada Isroilning janubiy va sharqiy qismlarida, ya’ni Negev va Arava cho‘llarida hamda O‘lik dengiz mintaqasida suv toshqini yuzaga kelishi xavfi bor”, — deyiladi xabarda.
https://www.instagram.com/p/BsX5-_3D0XA/
Ma’lumot uchun:
2014-yil yozidan beri Isroil rekord darajadagi qurg‘oqchilikdan aziyat chekib kelayotgan edi.
Natijada davlatning suv resurslari qisqarib, Kineret ko‘lidagi suv sathi “qora chiziq”ning ostiga tushib ketgan, undan so‘ng suv olish deyarli mumkin bo‘lmay qolgan edi.
Izoh (0)