2018-yilning so‘nggi kunlari o‘tib bormoqda ... Kelgusi 12 oy uchun rejalar tuzish, hujjatlarni yakuniga yetkazish, bajarilgan ishlarni sarhisob qilish uchun ayni, qulay fursat. Shunday qilib, kelgusi yilning boshida barcha ma’lumotlar yangilanishi kerak. Keyingi yilgi yutuqlarni hisoblash jarayoni noldan boshlanadi.
Shunday soha borki, ishning tezligi, dinamikasi, bayramlar va dam olish kunlari unga ta’sir qilmaydi.
Bu yerda muhimi belgilangan muhlat, bajarilgan ishlar hajmi va ularning sifat standartlariga muvofiqligi. Bu o‘rinda gap mahalliy miqyosdagi loyihalar haqida ketar ekan, nafaqat mamlakatning, balki butun mintaqaning rivojlanish tarixiga kirish uchun barcha sharoitlar mavjud.
Katta qurilish bir soat ham to‘xtamaydi — Tashkent City qurilish maydonchasida ishlaydigan ishchilar kecha-yu kunduz faoliyat olib borishadi. Shu bilan birga, sifat sohasidagi ustuvor me’yorlar, mehnat xavfsizligi va intizomiga rioya qilishadi.
Hozirda barcha qurilish obyektlarida binolarning karkaslarini qurish jarayoni ketmoqda.
5 - LOTdagi amaliy jarayonlar joriy yil boshida boshlangan va keyingi yilning oxirida Kongress-xoll va besh yulduzli Hilton mehmonxonasi foydalanishga topshiriladi. Temir-beton ishlari deyarli yakunlandi. 2018-yilning aprel oyi boshida beton quyish ishlari boshlangan bo‘lsa, bugungi kungacha ishlatilgan beton 90 ming kub metrni tashkil qilmoqda! Buncha qurilish maxsulotidan 20 sm qalinlikdagi va taxminan 0,45 km2 bo‘lgan ulkan beton plita ishlab chiqarish mumkin. Taqqoslash uchun, Vatikanning maydoni 0,44 km2 ni tashkil qiladi.
1-LOTdagi turar joy majmuasini qurish 2018-yilning may oyida boshlangan. Bugungi kunda 26 ta blokdan 12 tasida karkas ishlari allaqachon 90%ga bajarilgan. Qolganlarida poydevor quyish bosqichi tugash arafasida.
Yil boshida ushbu qurilish maydonida faqat 210 kishi ish bilan band edi. Bugungi kungacha quruvchilar soni qariyb 10 barobar oshdi va ayni kunlarda bu erda 1876 nafar ishchi faoliyat yuritmoqda. Bu taxminan 170 ta futbol jamoasi yoki bitta kichik shahar aholisiga teng ko‘rsatgich.
Hisob-kitoblarga ko‘ra, kelgusi yilda qurilish hajmi ikki barobarga ortadi va 2019-yilning oxiriga kelib 8 qavatli 9 ta ko‘p qavatli uyning qurilishi tugallanadi.
Shu qatorda , qo‘shni 7 – LOTdagi qurilish ishlari ham dinamik jarayonda kechmoqda. Beshta uchastkadan iborat besh qavatli uylarning birinchi bosqich qurilishi 2020 yil boshida, ikkinchi bosqich ishlari 2020 yilning bahorida tugallanishi rejalashtirilgan.
2018-yil iyul oyidan boshlab shu vaqtga qadar temir-beton konstruksiyalarni mustahkamlash uchun 7 000 tonnadan ziyod hajmdagi armatura ishlatildi. Qo‘yoslash uchun, buning diametri 20 mm, uzunligi 3 000 kmni tashkil qiladi. Yoki, Toshkentdan Ozarbayjon poytaxti Bokuga yetadigan uzunlikka teng!
Bu mintaqadagi eng katta qurilish majmuasi, Tashkent City XIMda, dastlabki olti oyda amalga oshirilgan ishlarning bir bo‘lagi xolos....
Tashkent City ning Facebook, Instagramdagi va Telegram-kanalida yanada ko‘proq yangiliklardan xabardor bo‘ling. Obuna bo‘ling va so‘nggi yangiliklarni birinchi bo‘lib bilib oling!
https://www.facebook.com/tashkentcityibc/
https://www.instagram.com/tashkentcityofficial/
Reklama huquqi asosida.
Izoh (0)