O‘zbekiston Mudofaa vazirligi harbiy xizmatchilari Yangi yil munosabati bilan maktabgacha ta’lim muassasalari hamda umumiy o‘rta ta’lim maktablariga tashrif buyurib, u yerda tarbiyalanayotgan va o‘qiyotgan o‘quvchi yoshlarni bayram bilan tabriklamoqda. Bu haqda vazirlik matbuot xizmati “Daryo”ga ma’lum qildi.
Tashriflar davomida harbiy xizmatchilar va kursantlar tomonidan turli ko‘ngilochar tadbirlar, o‘yin-kulgiga boy bellashuvlar o‘tkazilmoqda. Bu kabi tadbirlar respublikaning barcha hududlarida bir necha kundan buyon davomli tarzda amalga oshirilib kelinyapti.
Shu yilning o‘zida respublika bo‘ylab 37 mingdan ortiq harbiy-vatanparvarlik yo‘nalishidagi tadbirlar o‘tkazilgani, Mudofaa vazirligi tomonidan yoshlar ishtirokida 200 dan ortiq ochiq eshiklar kuni tashkil etilgani, unda 20 mingdan ziyod yoshlar ishtirok etgani yoshlarga qaratilayotgan e’tiborning yorqin namunasidir.
Shuningdek, 15-dekabrdan 2019-yilning 15-yanvarigacha “Vatanparvarlik oyligi” doirasida o‘rta maxsus kasb-hunar kollejlari, umumta’lim maktablari hamda maktabgacha ta’lim muassasalarida “Mardlik va Jasorat” darslari o‘tkazilmoqda.
Izoh (0)