Fransiyaning Marsel shahri politsiyasi futbolchi Krishtianu Ronaldu rasmi tushirilgan paketga o‘ralgan og‘irligi 517 gramm marixuana sotuvchisini qo‘lga oldi. Bu haqda “Sports.fr” xabar berdi.
Bundan tashqari, politsiya sotuvchining uyidan 50 gramm kokain topgan. Gumonlanuvchi hibsga olingan, uning ishi bo‘yicha sud jarayoni yanvarda bo‘lib o‘tadi.
Eslatib o‘tamiz, may oyida “Pusher” (“Narkotik sotuvchisi”) yozuvi tushirilgan futbolka kiygan italiyalik giyohvand moddalari sotuvchisi hibsga olingan edi. Uning o‘zini tutishi va avtomobilidan taralayotgan gashish giyohvandlik moddasi hidi huquq-tartibot xodimlari e’tiborini tortadi.
Tekshiruv natijasida gumonlanuvchi mashina yukxonasidan 19 ta kichik paketga o‘ralgan jami 350 gramm marixuana va 130 gramm gashish giyohvandlik moddasi bilan qo‘lga olinadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)