Xitoy janubi-g‘arbidagi Yunnan provinsiyasida joylashgan kollejda uyushtirilgan qurolli hujum natijasida bir kishi halok bo‘lib, yana 11 kishi yaralandi, deb xabar beradi “RIA Novosti” mahalliy hukumatga tayanib.
Hodisa 23-noyabr, juma kuni Toshkent vaqti bilan 8:26 da Annin shahridagi Yo‘l-texnika kollejida yuz berdi.
Shahar ma’muriyati tarqatgan bayonotga ko‘ra, hujum o‘quv korpusi ichkarisida sodir bo‘lgan. Oqibatda ikki o‘qituvchi va 10 talaba jabrlangan, talabalardan biri olgan jarohatlari tufayli keyinroq kasalxonada vafot etgan.
Politsiya gumonlanuvchini qo‘lga oldi, u ushbu kollejning 20 yoshli talabasi bo‘lib chiqdi.
Izoh (0)