11-noyabr, yakshanba kuni Andijon viloyat IIB jinoyat-qidiruv boshqarmasi korrupsiya va iqtisodiy jinoyatlarga qarshi kurashish bo‘limi, Davlat xavfsizlik xizmati hamda departamentning viloyat boshqarmasi hamkorligida tezkor tadbir o‘tkazildi, deb xabar berdi Andijon viloyati IIB matbuot xizmati.
O‘tkazilgan tadbir davomida Bo‘z tumanida yashovchi B.A fuqaro J.B.ga har bir AQSh dollarini 8320 so‘mdan jami 7800 AQSh dollarini 64 896 000 so‘mga sotishga kelishib, 6000 AQSh dollarini bergan vaqtda ushlangan.
Shu bilan birga, tadbir davomida fuqaro B.A.da jami 2390 AQSh dollari, 1000 Rossiya Federatsiyasi rubli va 5 682 500 so‘m pullar hamda bir dona pul sanash apparati borligi aniqlanib, daliliy ashyo sifatida olingan.
Mazkur holat yuzasidan O‘zbekiston Respublikasi Jinoyat kodeksining 177-moddasi (Valyuta qimmatliklarini qonunga xilof ravishda olish yoki o‘tkazish) 2-qismi bilan jinoyat ishi qo‘zg‘atilib, tergov harakatlari olib borilmoqda