Qozog‘iston avtomobilsozlik sohasi korxonasi ittifoqi “KazAvtoProm” direktorlar kengashi raisi Oleg Alfyorov O‘zbekiston avtomobil ishlab chiqaruvchilari qanday qilib Qozog‘iston bozorida muvaffaqiyatga erishganini izohlab berdi. Bu haqda “Sputnik” xabar bermoqda.

Ekspertning so‘zlariga ko‘ra, O‘zbekiston hukumati mahalliy ishlab chiqaruvchilarning xorijiy bozorlardagi manfaatlarini himoya qiladi.

“Avtomobil ishlab chiqaruvchilarning nafaqat Qozog‘istonga, balki boshqa xorijiy bozorlarga eksportlarini qo‘llab-quvvatlash yo‘lida O‘zbekiston hukumati tomonidan sezilarli choralar ko‘rilmoqda. O‘zbekistonlik ishlab chiqaruvchilarning xorij bozorlari, ayniqsa Qozog‘istondagi muvaffaqiyati shu bilan izohlanadi”, — dedi Alfyorov.