MINERVA-II1 roverlar juftligi Yerga Ryugyu asteroidi yuzasidan yangi suratlarni, shuningdek, qisqa videoni jo‘natdi. Bu haqda “RIA Novosti” xabar berdi.
Roverlar yuzasidagi o‘ziga xos “qisqichlar” birdaniga uchta vazifani bajaradi. Ular sakrash vaqtida asteroid yuzasiga mustahkam o‘rnashishga yordam beradi, quyosh batareyalarini zararlanishdan asraydi va ularda harorat datchiklari o‘rnatilgan.
“Xayabus-2” avtomatik stansiyasi kosmosga 2014-yilning dekabr oyida Ryugyu asteroidini o‘rganish va undan namunalar yig‘ish uchun uchirilgan. Olimlarning umid qilishicha, u Yerga Quyosh tizimi birlamchi materiyasining dastlabki toza namunalarini olib keladi.
Yapon apparati manzilga joriy yilning iyun oyi boshida yetib borgan va uzoq davom etadigan tormozlanish va asteroidga yaqinlashish jarayonini boshlagan.
Izoh (0)