Bugun, 27-sentabr kuni O‘zbekiston Respublikasi Oliy Majlis Senatining XVI yalpi majlisi o‘z ishini boshladi. Bu haqda “Daryo” muxbiri Sevara Nishonova xabar bermoqda.
Senat yalpi majlisi soat 10:00 da Nig‘matilla Yo‘ldoshev tomonidan ochiq deb e’lon qilindi.
Yalpi majlisda senatorlar tomonidan 21 ta masala, xususan 14 ta qonun loyihasi ko‘rib chiqiladi.
Senatorlar “Davlat bojxona xizmati to‘g‘risida”gi O‘zbekiston Respublikasining Qonunining yangi tahririni, “Xususiy bandlik agentliklari to‘g‘risida”gi qonun, “Fuqarolar yig‘ini raisi (oqsoqoli) saylovi to‘g‘risida”gi qonunlarni ko‘rib chiqadi.
Shuningdek, yalpi majlisda “Davlat xavfsizlik xizmati kunini belgilash to‘g‘risida”gi qonun ham muhokama qilinadi.
Bundan tashqari, majlisda davlat budjeti xarajatlariga o‘zgartirish kiritish, qishloq xo‘jaligida mehnatga oid munosabatlarni tartibga solish hamda mazkur sohadagi norasmiy bandlik masalalari yuzasidan O‘zbekiston Respublikasi Bosh vaziri o‘rinbosari – moliya vaziri Jamshid Qo‘chqorovga parlament so‘rovi yuborish masalalari ham muhokama qilinadi.
Izoh (0)