Futbol bo‘yicha ayollar o‘rtasida O‘zbekiston chempionatining 19-turida qiziq holat yuz berdi. “Sho‘rtan-Lady”—“Qizilqum Guli” uchrashuvida g‘uzorliklar vakilasi Uldona To‘xtayeva bellashuvdan oldin yig‘ilganlarga kelinsalom qildi. Bu haqda PFL direktori maslahatchisi Diyor Imomxo‘jayev o‘zining Telegram’dagi sahifasida ma’lum qildi.
Ta’kidlanishicha, Uldonaning turmushga chiqqaniga 1 haftagina bo‘lgan, u esa o‘zbek milliy urf-odatlariga ko‘ra, stadionga yig‘ilganlarga kelinsalom qilgan. Shuningdek, futbolchi uchrashuv davomida 1 ta golli uzatmani ham berishga erishgan.
Izoh (0)