Shovot tumani “Yangiturmush” mahallasida yashovchi fuqaro M.K. Departamentning Xorazm viloyat Shovot tuman boʻlimiga ariza bilan murojaat qildi. Bu haqda Bosh pokuraturaning iqtisodiy jinoyatlarga qarshi kurashish departamentining Xorazm viloyati boshqarmasi matbuot xizmati xabar bermoqda.
Unda koʻrsatilishicha “Qiyot” qishlogʻida istiqomat qiluvchi fuqaro R.O. uning tadbirkorlik faoliyatini yoʻlga qoʻyish istagida yurganligidan xabar topib, unga shu qishloqdan 600 kvadrat metr yer maydoni ajratilishida tuman arxitektura va qurilish boʻlimida ishlovchi mansabdor tanishlari orqali yordam berishini aytgan. Bu ishlarni bitirish uchun esa oldindan 7 million soʻm va egalik huquqi belgilash toʻgʻrisidagi qaror chiqartirilgandan keyin yana 3 million soʻm, jami 10 million soʻm pul berishini talab qilgan.
Shunga asosan, arizachining murojaati yuzasidan 13 -avgust kuni departamentning Xorazm viloyat boshqarmasi va Shovot tuman boʻlimi xodimlari tomonidan tezkor tadbir oʻtkazildi.
Tezkor tadbirda Shovot tumani “Tuproqqalʼa” mahallasida yashovchi fuqaro R.O hamqishlogʻiga vaʼda qilgan yer maydoni uchun soʻralgan pulning 5 million soʻmini olayotgan paytda departament xodimlari tomonidan ashyoviy dalillar bilan qoʻlga olindi.
Hozirda mazkur holat yuzasidan departamentning Shovot tuman boʻlimi tomonidan tergovga qadar tekshiruv harakatlari oʻtkazilmoqda.
Izoh (0)