Rossiyaning Samara davlat texnika universiteti olimlari vetlugazavrning dunyodagi eng to‘liq bosh suyagini topdi. Bu haqda “Korrespondent.net” xabar berdi.
Xabar berilishicha, universitet olimlari Samara viloyatining janubi-sharqida olib borilgan ekspeditsiyada vetlugazavrning boy suyagini topgan. Qayd etilishicha, o‘shanda topilma shunchaki suyaklar chiqib turgan tog‘ jinsi bo‘lagi bo‘lgan va birinchi qarashda hech qanday qimmatli narsadek ko‘rinmagan. Bosh suyagini o‘rganish jarayonida u tepa qismdan ochilgan, shundan keyin tishlar va ichki burun teshiklari yaxshi ko‘ringan.
Vetlugazavr erta Trias davrida yashagan va qirilib ketgan suvda va quruqlikda yashovchi jonzot bo‘lgan. Uning dastlabki qoldiqlari 1920-yilda Rossiyada Vetluga daryosi qirg‘oqlarida topilgan.
Izoh (0)