19-avgust sanasida Indoneziyaning Jakarta va Palembang shaharlarida XVIII yozgi Osiyo o‘yinlarining asosiy bahslari start oldi.
Musobaqaning dastlabki kunida o‘zbekistonlik atletlar bir necha sport turida bahslarda ishtirok etib, kun yakuniga ko‘ra uchta medalni qo‘lga kiritishga erishdi. Qo‘lga kiritilgan har uchta medal ham erkin kurashchilar hissasiga to‘g‘ri keldi.
Dastlabki medal -65kg vazn toifasida bahslarda ishtirok etgan Sirojiddin Hasanov tomonidan qo‘lga kiritildi.
Sirojiddin bronzaga ega chiqqan bo‘lsa, -74 kg vazn toifasida O‘zbekiston sharafini himoya qilgan Bekzod Abdurahmonov delegatsiyaga ilk oltin medalni olib keldi.
-97 kg vazndagi polvon Magomed Ibragimov ham bronzaga ega chiqdi.
Birinchi kun yakuniga ko‘ra, O‘zbekiston terma jamoasi medallar jamg‘arish bo‘yicha qit’aning 45 mamlakati ichida hozircha sakkizinchi o‘rinni egallab turibdi.
Izoh (0)