Samarqandda joriy yil boshidan beri korrupsiya bilan bog‘liq 93 ta jinoyat ishi qo‘zg‘atildi. Bu haqda viloyat prokuraturasi uyushgan jinoyatchilik va korrupsiyaga qarshi kurash bo‘limi alohida muhim ishlari bo‘yicha katta tergovchisi J.Rashidov ma’lum qildi, deya xabar beradi “Zarafshon”.
—125 nafar mansabdor shaxsning jinoiy javobgarlik masalasi hal etildi, — dedi u. — Ularning 3 nafari viloyat va 122 nafari tuman-shahar miqyosidagi idoralarda rahbarlik lavozimlarida faoliyat ko‘rsatgan.
Tergovchining aytishicha, mazkur mansabdorlarning jinoyatlari oqibatida iqtisodiyotga jami 5,8 milliard so‘m miqdorida moddiy zarar yetkazilgan.
Izoh (0)