Kecha, 12-avgust sanasida Ispaniya Superkubogi uchun bahs bo‘lib o‘tdi.
Unda Kataloniyaning “Barselona” hamda Andalusiyaning “Sevilya” jamoalari kurash olib bordi.
Uchrashuvda hisob 9-daqiqada andalusiyaliklar a’zosi Pablo Sarabiya tomonidan ochildi. 42-daqiqada Jerar Pike hisobni 1:1 ko‘rinishiga keltirdi.
Ikkinchi bo‘limning 78-daqiqasida Usmon Dembele gol urib, jamoasining g‘alabasini ta’minladi.
Shu tariqa “Barselona” o‘z tarixida 13-marta mamlakat Superkubogini qo‘lga kiritdi. Jamoaning azaliy raqibi “Real Madrid” esa hozirgacha 10 marta Ispaniya Superkubogi sohibi bo‘lgan.
Ispaniya Superkubogi
12-avgust, yakshanba
“Sevilya” — “Barselona” 1:2
Gollar: 1:0 – 9 Sarabiya, 1:1 – 42 Pike, 1:2 – 78 Dembele.“Sevilya”: Vaslik, Kyer, Gomes, Merkado (Ben-Yedder, 85), Eskudero, Banega, Mesa, Sarabiya (Aleish Vidal, 71), Navas, Vaskes, Muriel (Andre Silva, 60).
“Barselona”: ter Stegen, Pike, Nelson Semedu, Alba, Langle, Buskets, Rafinya (Rakitich, 46), Artur (Koutinyo, 53), Dembele (Vidal, 86), Messi, Suares.
Ogohlantirishlar: Buskets (16), Vaskes (24), Mesa (69), ter Stegen (90), Langle (90), Aleish Vidal (90).
Izoh (0)