Moldovada TIV vakillari iqtisodiyot va qishloq xo‘jaligi vazirliklari kotiblari bilan muzokara olib bordi

14—15-iyun kunlari Kishinyov shahrida O‘zbekiston Tashqi ishlar vazirligi delegatsiyasi Moldova Iqtisodiyot va infratuzilma vazirligi davlat kotibi Yuliana Dregelin hamda Qishloq xo‘jaligi, mintaqaviy rivojlanish va atrof-muhit vazirligi davlat kotibi Vasileu Luka bilan muzokaralar o‘tkazdi. Bu haqda Tashqi ishlar vazirligi matbuot xizmati xabar berdi.

Uchrashuvda O‘zbekiston va Moldova o‘rtasida manfaatli hamkorlikni kengaytirish masalasi muhokama qilindi.

Shuningdek, O‘zbekiston delegatsiyasi hamda Moldova Tashqi ishlar va Yevropa bilan integratsiya vaziri Tudor Ulyanovsk o‘rtasida suhbat bo‘lib o‘tdi.

Avvalroq, O‘zbekiston—Moldova hukumatlararo komissiyasi majlisi o‘tkazilishi mumkinligi xabar qilingan edi.