Toshkentdagi Central Park’ga O‘zbekistondagi birinchi haqiqiy fransuz karuseli o‘rnatildi. Xuddi shunday karusel Parijda Eyfel minorasi yaqinida bor. Bu haqda bog‘ning Facebook’dagi rasmiy sahifasida xabar berildi.
Karusel Fransiyaning 100 yildan beri dunyoga mashhur karusellarni ishlab chiqarish bilan shug‘ullanuvchi kompaniyasi tomonidan yasalgan. Attraksionni qurishda qo‘lda tayyorlangan bezaklar va mualliflik naqshlari ishlatilgan. Kunning qorong‘i paytida karuselni 2000 ta rang-barang chiroqlar yoritib turadi, ular karusel ishlamayotgan paytda ham, harakatlanayotgan karusel illyuziyasini yaratadi, deyiladi xabarda.
Avvalroq Toshkent shahridagi Mirzo Ulug‘bek nomli istirohat bog‘i Central Park nomini olishi xabar berilgan edi.
Izoh (0)