Kecha, 8-iyun sanasida Ostonada boks bo‘yicha Qozog‘iston prezidenti kubogining chorak final janglari bo‘lib o‘tdi.
Chorak final doirasida bir nechta o‘zbekistonlik bokschi ringga ko‘tarildi. Rio—2016 Olimpiadasi chempioni Hasanboy Do‘smatov kutilmaganda hindistonlik Lalbiakkima Nutlaiga mag‘lubiyatga uchradi. Hasanboy mag‘lubiyatdan so‘ng ijtimoiy tarmoqdagi sahifasida quyidagilarni yozib qoldirdi: “Meni qo‘llab-quvvatlayotganlar, boringizga shukr! Tanqid qilayotganlarga esa alohida rahmat. G‘alaba qozongan vaqtimizda yaxshi gaplarni ko‘p eshitganmiz, faxrlanganmiz o‘zimizdan. Yutqazib qo‘yganimizda esa bu tanqidlarga chidash vazifamiz”.
Og‘ir vaznda ringga chiqqan Sanjar Tursunov esa mezbonlar vakili Anton Pinchukka imkoniyatni boy berdi.
Shahobiddin Zoirov, Iqboljon Xoldorov, Aliyor Noraliyev va Isroil Madrimov esa raqiblari ustidan g‘alaba qozonib, yarim final yo‘llanmasini qo‘lga kiritdi.
Bugun musobaqada yarim final janglari bo‘lib o‘tadi:
- -56 kg: Shahobiddin Zoirov – K.Yeraliyev (Qozog‘iston)
- -60 kg: Shunqor Abdurasulov – Z.Safiullin (Qozog‘iston)
- -64 kg: Iqboljon Xoldorov – M.Vuttichai (Tailand)
- -64 kg: Aliyor Noraliyev – B.Ibragimov (Qozog‘iston)
- -69 kg: Mahmud G‘oipov – A.Jusupov (Qozog‘iston)
- -75 kg: Isroil Madrimov – A.Amankul (Qozog‘iston)
- -81 kg: Bektemir Meliqo‘ziyev – B.Nurdauletov (Qozog‘iston)
Izoh (0)