Yevropada eng ko‘p sotiladigan avtomobillar ma’lum qilindi

Yevropa bozorida 2018-yilning birinchi choragida eng ko‘p sotilgan avtomobil Volkswagen Golf bo‘ldi. Bu haqda “Korrespondent.net” xabar berdi.

Shu tariqa, Volkswagen kompaniyasi eng ko‘p sotilgan avtomobillar o‘ntaligida uchta o‘rinni egalladi. Bu bilan kompaniya o‘z raqobatchilarini 55 mingta avtomobilga ortda qoldirgan.

Eng ko‘p sotilgan avtomobillar o‘nligiga quyidagilar kirgan:

Volkswagen Golf — 149,4 mingta;

Renault Clio — 94,07 mingta;

Volkswagen Polo — 89,5 mingta;

Ford Fiesta — 88,6 mingta;

Nissan Qashqai — 84,6 mingta;

Skoda Octavia — 78,25 mingta;

Volkswagen Tiguan — 74,5 mingta;

Peugeot 208 — 69,7 mingta;

Ford Focus — 68,9 mingta;

Citroen C3 — 64,9 mingta.

Yevropa Ittifoqida 2018-yilning birinchi choragida jami 4171268 ta yengil avtomobil ro‘yxatdan o‘tkazilgan bo‘lib, o‘tgan yilning shu davriga nisbatan 0,7 foizga ko‘proqni tashkil qilgan.