KXDR harbiylari Xamgyon-Pukto provinsiyasida joylashgan Pxungeri yadro poligonidagi tunneldan kabellarni yig‘ib olishni boshladi. Bu esa uni yopishga tayyorgarlikning birinchi tadbiri hisoblanadi. Bu haqda 3-may, payshanba kuni razvedka ma’lumotlariga tayanib KBS telekanali ma’lum qildi, deb yozadi “TASS”.
30-may kuni Janubiy Koreya prezidentining matbuot kotibi Yun Yon Chan KXDR hukumati may oyida Pxungeridagi yadro poligonini butunlay yopishi, uni demontaj qilish jarayoni esa oshkora bo‘lishini ma’lum qildi.
Uning so‘zlariga qaraganda, ikki mamlakat yetakchilarining 27-aprel kungi sammitida mazkur kelishuvga erishilgan. Kim Chen In jarayonni kuzatib boruvchi jurnalistlar va xavfsizlik sohasidagi ekspertlarni taklif etishga so‘z berdi.
Izoh (0)