Toshkentda Lacetti haydovchisi 5 ta mashinani pachoqladi

Toshkent shahrining Yunusobod tumanida 30-aprel kuni yirik yo‘l-transport hodisasi ro‘y berdi. Bu haqda IIV jamoatchilik va OAV bilan aloqalar boshqarmasi xabar bermoqda.

Shu kuni soat 15:15 atrofida Islomobod ko‘chasida yashovchi E.Sh Lacetti rusumli mashinasini Sh.Rashidov ko‘chasida katta tezlikda haydab ketayotib, shu yo‘nalishda svetoforning qizil chirog‘ida to‘xtab turgan Matiz’ga kelib urildi.

Hodisa oqibatida qator turgan yana to‘rtta avtomobil bir-biriga urilib, shikastlandi. 5 kishiga kasalxonada tibbiy yordam ko‘rsatildi.