3-may kuni osmonda sayyoralar paradini kuzatish mumkin bo‘ladi

3-mayga o‘tar kechasi janub tomonda bir yo‘la oltita osmon yoritqichlari bir qatorga tiziladi, deb yozadi National Geographic.

Moskva planetariysi ma’lumotlariga ko‘ra, Toshkent vaqti bilan 2-may kuni 22:00 dan keyin Spika yulduzi va Yupiter sayyorasi janubda balandga ko‘tariladi. Yarim tunga yaqin esa janubda shunday balandlikka Antares yulduzi, Oy, so‘ng Saturn chiqadi. “Osmon tomoshasi”ni Mars yakunlaydi, u 12:30 dan keyin ko‘tariladi va tongotar chog‘ida g‘oyib bo‘ladi.