Isroilda toshqinlar oqibatida harbiy xizmatga tayyorgarlik kurslarida o‘qiyotgan o‘n nafar o‘quvchi halok bo‘lgan. Bu haqda “Korrespondent.net” xabar berdi.
Ta’kidlanishicha, 17—18 yoshda bo‘lgan to‘qqiz nafar qiz va bir nafar o‘g‘il bola kuchli oqimga tushib, halok bo‘lgan. Ular mashg‘ulotlarda ishtirok etayotgan 25 kishilik sayyohlar guruhi tarkibida bo‘lgan.
Xabar qilinishicha, sayohat harbiy xizmatga ruhiy va jismoniy tayyorgarlik kurslarini o‘tkazuvchi Tel-Avivdagi instituti tomonidan uyushtirilgan. Politsiya mazkur muassasaning uch nafar xodimini so‘roq qilgan, ulardan ikkitasi qamoqda, bittasi esa uy qamog‘ida saqlab turilibdi.
Isroil bosh vaziri Binyamin Netanyaxu qurbon bo‘lganlarning oila a’zolariga hamdardlik bildirgan.
Izoh (0)