Adliya vazirligi vazirlik markaziy apparatidagi bo‘sh ish o‘rinlariga, shuningdek tuman (shahar) adliya bo‘limlariga malakali huquqshunoslarni ishga taklif qiladi. Bu haqda Adliya vazirligining “Huquqiy axborot” Telegram-kanalida xabar berildi.
Nomzodlarga qo‘yiladigan talablar:
- oliy yuridik ma’lumot;
- davlat tilini yaxshi bilish (rus yoki boshqa tillarni bilish ustunlik beradi);
- yuklatilgan vazifalarni bajara olish, qonun hujjatlarini amaliyotga to‘g‘ri qo‘llanishini tahlil qilish qobiliyatiga ega bo‘lish;
- hujjatlar loyihalarini tayyorlash va rasmiylashtirish.
Markaziy apparatdagi mutaxassislar uchun
Vazifalar:- qonun hujjatlari loyihalarini huquqiy ekspertizadan o‘tkazish;
- huquqni qo‘llash amaliyotini o‘rganish va tahlil qilish;
- yuridik va jismoniy shaxslarning murojaatlarini ko‘rib chiqish va qonuniy hal etish;
- davlat organlari va tashkilotlarining huquqiy ishlari holatini monitoring qilish va ushbu tashkilotlar yuridik xizmati faoliyatini metodik ta’minlash, nazorat qilish va muvofiqlashtirish.
- yangi qabul qilingan qonun hujjatlari mazmun va mohiyatini aholiga va ijrochilarga tushuntirish;
- huquqni qo‘llash amaliyoti bo‘yicha tahliliy materiallar tayyorlash;
- statistik ma’lumotlarni tahlil qilish va natijasi bo‘yicha takliflar tayyorlash.
Oylik ish haqi, ijtimoiy himoyalashga qaratilgan quyidagi choralar va to‘lovlar ta’minlanadi:
- oylik ish haqi – 4 mln. so‘mdan 8 mln. so‘mgacha (mukofot puli va moddiy yordamlardan tashqari). Keyinchalik ushbu oylik ish haqiga martaba darajalari uchun va ko‘p yillik xizmati qo‘shimchalar berib boriladi;
- 6 ta bayram va 4 ta chorak yakunlari bo‘yicha oylik ish haqi fondi miqdorida mukofot pullari;
- qishloq xo‘jaligi mahsulotlari sotib olish uchun yilda bir marotaba moddiy yordam (eng kam oylik ish haqining 10 baravari miqdorida);
- uy-joy sharoitlarini yaxshilashga muhtoj bo‘lgan xodimlarga uy-joy sotib olish uchun besh yildan ko‘p bo‘lmagan muddatga va eng kam ish haqining ming barobaridan oshmagan miqdorda foizsiz qarz ajratish.
Bundan tashqari:
- adliya organlari xodimlariga beriladigan maxsus unvon – martaba darajalari beriladi;
- ilg‘or xorijiy tajribani o‘rganish maqsadida chet ellarga xizmat safarlari va stajirovkalarga yuboriladi.
Tuman (shahar) adliya bo‘limlari mutaxassislari uchun
Vazifalar:- mahalliy davlat hokimiyati organlarining qarorlarini qonun hujjatlariga va mamlakatda olib borilayotgan islohotlarning maqsad va vazifalariga muvofiqligi yuzasidan huquqiy ekspertizadan o‘tkazish;
- huquqni qo‘llash amaliyotini o‘rganish va tahlil qilish;
- yuridik va jismoniy shaxslarning murojaatlarini ko‘rib chiqish va qonuniy hal etish;
- davlat organlari va tashkilotlari tuman (shahar) bo‘limlari huquqiy ishlari holatini monitoring qilish va ushbu tashkilotlar yuridik xizmati faoliyatini metodik ta’minlash, nazorat qilish va muvofiqlashtirish;
- tuman (shahar) darajasidagi davlat tashkilotlarining qonun hujjatlarini ijro qilinishini tashkil qilishda metodik rahbarlikni amalga oshirish;
- tuman (shahar) darajasidagi davlat tashkilotlariga qonun hujjatlarini qo‘llanishi yuzasidan maslahat berish;
- yangi qabul qilingan qonun hujjatlari mazmun-mohiyatini aholiga va ijrochilarga tushuntirish;
- huquqni qo‘llash amaliyoti va norma ijodkorligi sohasida monitoring hamda tahlillar o‘tkazishda ishtirok etish, shuningdek natijalariga ko‘ra amaldagi qonun hujjatlarini yanada takomillashtirish bo‘yicha takliflar ishlab chiqish;
- huquqni qo‘llash amaliyoti bo‘yicha tahliliy materiallar tayyorlash;
- statistik ma’lumotlarni tahlil qilish va natijasi bo‘yicha takliflar tayyorlash;
Oylik ish haqi, ijtimoiy himoyalashga qaratilgan quyidagi choralar va to‘lovlar ta’minlanadi:
- oylik ish haqi – mutaxassislar uchun 2,2 mln. so‘mdan, tuman (shahar) bo‘lim boshlig‘i uchun 3 mln. so‘mdan boshlanadi, keyinchalik ushbu oylik ish haqiga martaba darajalari uchun va ko‘p yillik xizmati uchun qo‘shimchalar (bundan tashqari, mukofot puli, moddiy yordam va boshqalar) qo‘shib boriladi;
- adliya organlari xodimlariga beriladigan maxsus unvon – martaba darajalari beriladi;
- tuman bo‘limlari boshliqlari xizmat avtomashinasi bilan ta’minlanadi;
- xodimlarning oziq-ovqat xarajatlarini qisman qoplash uchun har oylik kompensatsiya to‘lovi (eng kam oylik ish haqi miqdorida);
- Mehnat kodeksida belgilangan 6 ta bayram va 4 ta chorak yakunlari bo‘yicha oylik ish haqi fondi miqdorida mukofot pullari;
- xodim ta’tilga chiqqanda ikki oylik ish haqi fondi miqdorida moddiy yordam puli;
- xodimga oilaviy sharoitiga ko‘ra ijtimoiy muhofaza qilish tarzidagi pul mablag‘i (eng kam oylik ish haqining 5 baravari miqdorida);
- qishloq xo‘jaligi mahsulotlari sotib olish uchun yilda bir marotaba moddiy yordam (eng kam oylik ish haqining 10 baravari miqdorida)
- turli xil konsert va teatrlarga chiptalar hamda sanatoriy va boshqa davolash muassasalariga, shuningdek bolalar oromgohlariga yo‘llanmalar;
- uy-joy sharoitlarini yaxshilashga muhtoj bo‘lgan xodimlarga uy-joy sotib olish uchun besh yildan ko‘p bo‘lmagan muddatga va eng kam ish haqining ming barobaridan oshmagan miqdorda foizsiz qarz ajratish;
- xodimlarga uy-joylarni ijaraga olganlik (ijarada turganlik) uchun kompensatsiya to‘lovi;
Bundan tashqari:
- mansab lavozimlarida o‘sib borish;
- ilg‘or xorijiy tajribani o‘rganish maqsadida chet ellarga xizmat safarlari va stajirovkalar.
Tanlovda ishtirok etish istagini bildirgan nomzodlar 2018-yil 1-may kuniga qadar o‘z shaxsiy varaqasini kadr@minjust.gov.uz elektron pochtasiga taqdim etishlari lozim. Yuborilayogan ma’lumotnomada nomzodning yashash manzili va telefon raqamlari to‘g‘risidagi ma’lumotlar ham eks ettirilishi kerak.
Izoh (0)