Donald Tramp AQSh Suriyaga yangi qurollar bilan zarba berishi haqida aytib, Rossiyani bunga tayyor turishga chaqirdi. Bu haqda “RIA Novosti” xabar bermoqda.
“Rossiya Suriyaga yo‘llangan barcha raketalarni hech qanday istisnosiz urib tushirishga va’da berdi. Tayyor turing, chunki yaxshi, yangi va yuqori texnologiyali raketalar ko‘p bo‘ladi. O‘z xalqini zaharlayotgan va bu ishni mamnuniyat bilan qilayotgan hayvonni qo‘llab-quvvatlash kerak emas”, — deb Tramp Twitter’da yozuv qoldirdi.
Amerika yetakchisi AQSh va Rossiya o‘rtasidagi munosabatlar sovuq urush vaqtidan ham yomonroq ekanini ma’lum qildi.
Izoh (0)