Fazliddin G‘oibnazarovning prof boksdagi 4-jangi sanasi ma’lum bo‘ldi

Rio Olimpiadasi chempioni Fazliddin G‘oibnazarov professional boksdagi navbatdagi jangini qachon o‘tkazishi ma’lum bo‘ldi, deb xabar beradi “Olamsport”.

Fazliddin faoliyatidagi to‘rtinchi jangini joriy yilning 12-may sanasida AQShning Nyu-York shahrida, Madison Square Garden saroyida o‘tkazadi.

Hozircha ushbu jangda G‘oibnazarovga kim raqiblik qilishi ma’lum qilinmagan.

Ma’lumot uchun Fazliddin bungacha professional boksda uchta jang o‘tkazib, ularning uchalasida ham g‘alaba qozongan edi.