13-fevral kuni Toshkent shahridagi Xalqaro biznes markazda Iqtisodiy hamkorlik masalalari bo‘yicha O‘zbekiston—Koreya birinchi qo‘shma yig‘ilishi bo‘lib o‘tdi.
O‘zbekiston delegatsiyasiga bosh vazir Abdulla Aripov, koreys tomoniga bosh vazir o‘rinbosari, Strategiya va moliya vaziri Kim Dong Yon boshchilik qildi. Janubiy Koreya delegatsiyasi tarkibidan Strategiya va moliya, Tashqi ishlar, Savdo, sanoat va energetika vazirliklarining 60 dan ziyod vakili ishtirok etdi.
O‘zbek-koreys yig‘ilishi davomida tomonlar Iqtisodiy hamkorlik va rivojlanish fondidan 2018—2020-yillarda olinadigan qarz hisobiga O‘zbekiston va Koreya Respublikasi hukumatlari o‘rtasidagi hadli kelishuv doirasidagi loyihalarni amalga oshirish masalalarini muhokama qildi. Loyihalarga 500 million dollar ajratiladi.
Tomonlar ko‘p tarmoqli bolalar tibbiyot markazini tashkil etish loyihasini ham ko‘rib chiqdilar. Bu loyiha bo‘yicha o‘zaro anglashuv memorandumi imzolandi. Ikki tomon Iqtisodiy hamkorlik masalalari bo‘yicha O‘zbekiston—Koreya birinchi qo‘shma yig‘ilishi protokoli ham imzolandi.
Bundan tashqari, tomonlar Toshkentda Koreyaning yuksak texnologiyalar instituti bilan birgalikda yaratiladigan O‘quv-amaliy to‘qimachilik Texnoparki loyihasini o‘z vaqtida ishga tushirish, o‘zbek-koreys biznes markazini yaratish, O‘zbekistonda Koreya madaniyati va san’ati uyini ochishni muhokama qildi.
Izoh (0)