O‘zbekiston futzal terma jamoasi Osiyo Chempionatini bronza medallari bilan yakunladi.
Xitoy Taypeyi mezbonlik qilgan qit’a birinchiligida o‘zbekistonlik futzalchilar Yaponiyadan yengilib (2:4), yarim finalda asosiy favorit — Eronning yo‘lidan chiqib qoldi. 3-o‘rin uchun kechgan bahsda esa O‘zbekiston termasi Iroq bilan 4:4 hisobida durang o‘ynadi va penaltilar seriyasiga ko‘ra g‘olib chiqdi.
Sovrinlarni qo‘lga kiritish borasida O‘zbekiston futzal terma jamoasi Osiyoning uchinchi vakili hisoblanadi. Bunga qadar jamoa finalda 4 marta o‘ynagan va barchasida imkoniyatni boy bergan (2001, 2006, 2010, 2016). Shuningdek, 4 marta bronza medallariga ega chiqqan (2005, 2007, 2014, 2018).
Osiyo Chempionati 3-o‘rin uchun o‘yin 11-fevral, yakshanba
Iroq — O‘zbekiston 4:4 (pen — 1:2)
Gollar: Davron Choriyev, 3 (0:1). Zaid Ali, 14 (1:1). Volid Xolid, 20 (2:1). Salim Faysal, 22 (3:1). Artur Yunusov, 25 (3:2). Ilhom Hamroyev, 27 (3:3). Hasan Dahil, 34 (4:3). Artur Yunusov, 39 (4:4).Osiyo Chempionatining finalida esa qit’aning ikki eng kuchli termalari o‘zaro to‘qnash keldi va unda forslarning qo‘li baland keldi. Eronlik futzalchilar uchun bu 12-Osiyo chempionligi bo‘ldi.
Yaponiya esa qit’a chempioni bo‘lish baxtiga 3 bor erishgan. Finallarda esa 6 marta mag‘lub bo‘lgan.
Final
Izoh (0)