LG 2018-yilda qanday audioqurilmalar bilan hayratga soladi?

LG Electronics (LG) CES 2018 ko‘rgazmasida ancha yaxshilangan va “aqlli” premial audioqurilmalarni namoyish etadi, ular uydagi akustik tizimlar haqidagi tasavvurni o‘zgartiradi. 2018-yildagi yangilik — Meridian Audio kompaniyasining ilg‘or texnologiyasi tatbiq etilishi bo‘lib, u yanada tabiiy va “iliq” tovushni yaratadi. DolbyAtmos® ajoyib saundbarlaridan portativ Bluetooth-kolonkalar va sun’iy idrok texnologiyasidan foydalanilgan eng yangi dinamikka qadar – LG’da musiqa va kino ixlosmandi uchun alohida nimadir bor.

Tovush atrofda va bosh ustida

LGSK10Y yangi saundbari 5.1.2-kanalli tovush, 550 Vt.lik quvvat va DolbyAtmos kuchli texnologiyasini taklif etadi. Yangi saundbarning noyobligi shundaki, tovush obyektlari uch o‘lchamli makonning istalgan joyida, jumladan, bosh ustida ham joylashtirilishi mumkin. Shu tariqa, hajmli tovushga erishiladi, haqiqatga yaqinlik oshadi va hodisalar markazida bo‘lish effekti yaratiladi. SK10Y bunday kuchli tovushni taqdim etishi uchun qator dinamiklar, jumladan, ikkita kuchli vertikal dinamik bilan jihozlangan, bunda tovush tinglovchini har tomondan o‘rab turadi. Foydalanuvchilar shift balandligini e’tiborga olgan holda tovushni sozlash uchun vertikal dinamiklar balandligini tartibga solishlari mumkin.

SK10Y dinamiklari MeridianAudio bilan hamkorlik tufayli tovushning ajoyib sifati uchun innovatsion audio ishlanmalar bilan takomillashtirilgan. Meridian kompaniyasi yuqori sifatli audio va signallarni raqamli ishlash (DSP) hamda psixoakustika sohasida yetakchi bo‘lgani holda, SK10Y’ni yuqori ishlab chiqarish darajasi, jumladan, BassandSpace texnologiyasi bilan ta’minladi, bu tinglovchilarni boy va toza tovush bilan o‘rab turish maqsadida qilingan. Foydalanuvchi qayerda joylashganiga qaramay, tovush yanada “iliq” va sizni o‘rab olgandek bo‘ladi. Meridian’dan HeightElevation texnologiyasi tovushni saundbar ustidan ekran darajasiga ko‘tarib, qo‘shimcha nutq aniqligi va musiqa sifatini ta’minlab beradi. Bundan tashqari, LGSK10Y audiofayllarni yuqori sifat shakllarida taqdim etishi mumkin, bu studiyada yozilgan tovushni yaratish imkoni degani. 40 kGts.lik taqdim etish bo‘yicha imkoniyatlarga qo‘shimcha tarzda, dinamik tovushni o‘zgartirish funksiyasiga ega. U oddiy audiofayllar sifatini 24 bit/192 Gts.ga ko‘taradi hamda noyob detallar va har bir trekning o‘ziga xos jihatlari yaxshiroq eshitiladi.

Dizayn nuqtai nazaridan, SK10Y LG’ning 2018-yildagi OLED yoki SUPER UHD modeldagi televizorlariga mukammal mos tushadigan uyg‘un, zamonaviy ko‘rinishi va nozik korpusi bilan nigohlarni o‘ziga jalb etadi. Qurilma, shuningdek, Chromecast’ni qo‘llab-quvvatlovchi portlar, dinamiklar va boshqa smart-qurilmalarga to‘liq mosligi bilan keng ulanish imkoniyatlariga egadir. Shunchaki: “OK, Google”, deb ayting va eng sevimli onlayn oqimli multimedia servisidan yoqqan qo‘shiqni, podkastni yoki audioklipni ijro etishni so‘rang.

Har qanday holatlar uchun portativ kolonkalar

LG’dan PK seriyadagi portativ kolonkalar kuchli tovush va klub yoritish funksiyasini yorqin hamda qulay qoplama orqali taqdim etadi, uni qayerga borsangiz, o‘zingiz bilan birga olishingiz mumkin. MeridianAudio‘ning ilg‘or texnologiyalari tufayli PK kolonkanalari kuchli va buzilmagan bas bilan ta’minlaydi, shuningdek, nutq va musiqani optimallashtiradi. Ushbu kolonkalar simsiz ulanish orqali 24 bitli musiqani oqimli taqdim etish uchun APT-XHDBluetooth standarti bilan mos keladi, bu esa asl tovushga yaqin bo‘lgan sifatdan zavqlanishga imkon beradi.

Dynamic Party Lighting dinamik yoritish rejimida musiqa bilan bir vaqtda yoritish funksiyasining qo‘shimcha vizual effektlari ishlab chiqilgan. PK’ning barcha uchta modeli konstruksiyaning mustahkamligi va qulay foydalanish uchun ixcham sozlash tugmalari bilan ajralib turadi.

Google Assistant yordamchisi bilan premium-sinfdagi dinamik

CES 2018 ko‘rgazmasi sahnasida LG sun’iy idrok texnologiyasidan foydalanilgan birinchi audioqurilmani taqdim etadi — LGThinQ dinamiki nafaqat yuqori sifatli tovushni taqdim etadi, balki Google Assistant ichki yordamchi bilan jihozlangan. LG kompaniyasi raqamli yordamchining barcha xususiyatlarini LGThinQ dinamikasida amalga oshirish uchun Google bilan hamkorlik qiladi. Bundan tashqari, LGThinQ dinamiki nafaqat “aqlli” yordamchi, balki LG’dan “aqlli” maishiy texnikalar uchun moslashtirilgan ovozli interfeys hamdir. Misol uchun, LGThinQ dinamikini LG qurilmasini oddiy ovozli buyruq bilan yoqish uchun sozlash mumkin: “OK, Google, LG’dan havo tozalash qurilmasini yoqishni so‘ra”. Lekin eng asosiysi, dinamik MeridianAudio texnologiyasi tufayli ajoyib tovush sifatiga egadir. LGThinQ dinamikida joylashgan High Resolution Audio funksiyasi yuqori sifatli fayl shakllariga mos keladi, bu esa dastlab studiyada yozilgan tovushni aniq berish imkonini taqdim etadi.

Bazmlar uchun musiqa tizimlari

LG’da bayramni yaxshi ko‘radiganlar uchun ajoyib akustik imkoniyatlarga ega musiqa tizimlarining bir nechta modellari mavjud. Bu universal qurilmalar bazmlarga mo‘ljallangan bo‘lib, raqsga tushishga chorlovchi turli funksiyalar bilan jihozlangan: 1800 Vt.lik quvvat, DJ-funksiyalari, karaoke rejimi va klubdagi yoritish chiroqlari. LG musiqa tizimlarining yangi modellari mustahkam korpus, ishlatish uchun qulay interfeys va cheksiz raqslarbop treklarni yuklab olish yoki oqimli taqdim etish uchun ulanishga ko‘plab imkoniyatlarga egadir.

“Tovush texnologiyalari LG kompaniyasi Xitoyda 60 yil muqaddam birinchi radioni taqdim etganidan so‘ng uzoq yo‘lni bosib o‘tdi. Mening ishonchim komilki, joriy yilda CES ko‘rgazmasida tomoshabinlar biz o‘zimizning audiotexnikaga, tovush sifatini yoddan ko‘tarmagan holda, tatbiq etgan innovatsiyalar sonidan hayratga tushishadi”, — deya ta’kidlaydi LG HomeEntertainment kompaniyasining konvergentli audio va videoqurilmalar bo‘linmasi rahbari SoYon-djye (SeoYoung-jae).

Las-Vegasdagi CES 2018’da saundbarlar, portativ kolonkalar, bazmlar uchun musiqa tizimlarining yangi modellari va ultrazamonaviy LGThinQ dinamiki ko‘pchilikni ajablantiradi.

Reklama huquqi asosida!