AQSh harbiy qo‘mondonligi janubiy yapon oroli Okinavada dengiz piyoda qo‘shinlari og‘ir transport vertolyotlari CH-53 parvozlarini yana yo‘lga qo‘yish haqida qaror qabul qildi. Ulardan biri 13-dekabr kuni mahalliy maktab sport maydonchasiga og‘irligi sakkiz kilogrammga yaqin illyuminatorini tushirib yuborgan edi. Bu haqda NHK telekanali xabar bermoqda, deb yozadi “TASS”.
18-dekabr, dushanba kuni mahalliy hokimiyatga bu uchuvchi xatosi natijasi ekanligi va mashina nosozligi bilan bog‘liq bo‘lmaganligi ma’lum qilindi.
Amerika qo‘mondonligi qarori Okinava rasmiylari noroziligiga sabab bo‘ldi. Okinavadagi munitsipalitetlar hozirda birin-ketin hodisa bilan bog‘liq norozilik bayonotlarini qabul qilmoqda.
Eslatib o‘tamiz, avvalroq 13-dekabr tongida Amerikaning Futemma harbiy bazasiga tutash maktab sport maydonchasiga vertolyot illyuminatori qulaganligi haqida xabar berilgan edi.
18-dekabr, dushanba kuni AQSh harbiy qo‘mondonligi vakillari maktabga keldi va uzr so‘radi.
Izoh (0)