Malayziya yo‘qolgan samolyoti yo‘lovchilarining oilalari Boeing’ga qarshi sudga da’vo kiritadi

2014-yilda Hind okeani ustida g‘oyib bo‘lgan Malaysia Airlines kompaniyasi samolyoti yo‘lovchilarining oilalari kelgusi haftada samolyot ishlab chiqaruvchisi — Amerikaning Boeing kompaniyasiga qarshi AQShda kollektiv da’vo kiritish niyatida. Bu haqda China Daily gazetasi ma’lum qildi, deb yozadi “TASS”.

XXRning 28 nafar yo‘qolgan fuqarosining 60 dan ortiq oila a’zosi da’vogar sifatida chiqmoqda.

“Sud jarayoni 19-dekabr kuni Vashingtonda boshlanadi”, — deydi yo‘lovchilar qarindoshlari manfaatini himoya qiluvchi advokat Chjan Sixuay. Sud jarayoni davomida MH370 reysida qo‘llanilgan samolyotda konstruksiya, ishlab chiqarish yoki yig‘ish sifati bilan bog‘liq biror-bir muammo bo‘lgan-bo‘lmaganligini aniqlash kerak bo‘ladi.

Advokatning ma’lum qilishicha, barcha da’vogarlar Boeing’dan pul badalini to‘lashni talab qilish niyatida.