BMT bosh kotibining siyosiy masalalar bo‘yicha o‘rinbosari Jeffri Feltman KXDRga tashrifi chog‘ida mamlakat rahbariyatini, xalqaro hamjamiyat Koreya yarim orolidagi vaziyatni tinch yo‘l bilan barqarorlashtirish tarafdori ekanligiga ishontirdi, shuningdek, hududda ziddiyat yuzaga kelish xavfini kamaytirish uchun muloqot qilinishini yoqlab so‘zga chiqdi. Bu haqda “TASS” xabar bermoqda.
Feltman 5—8-dekabr kunlari KXDRga uyushtirilgan tashrifi chog‘ida mamlakat tashqi ishlar vaziri Li Yon Xo va uning o‘rinbosari Pak Myon Guk bilan uchrashdi. Ular Koreya yarim orolidagi vaziyat yuzasidan fikr almashdi va hozirgi vaziyat dunyo hamjamiyati xavfsizligi uchun jiddiy xavf tug‘dirishini ma’lum qildi.
BMT bosh kotibi o‘rinbosari Xavfsizlik kengashi rezolyutsiyasi to‘liq amalga oshirilishi lozimligi va inqirozni tinch yo‘l bilan barqarorlashtirish muqobilsiz yo‘l ekanligini aytdi.
Izoh (0)