“O‘zbekkino” Milliy agentligida Yevropa Ittifoqining O‘zbekistondagi delegatsiyasi rahbari, elchi Eduard Stiprays bilan uchrashuv bo‘lib o‘tdi. Bu haqda agentlik axborot xizmati xabar bermoqda.
Uchrashuvda ikki tomonlama hamkorlikning bugungi holati va istiqboldagi qo‘shma rejalar muhokama qilindi.
Xususan, keyingi yillarda an’ana tusiga kirgan Yevropa kinosi kunlari, uning O‘zbekiston madaniy hayotida tutgan o‘rni haqida so‘z yuritildi.
Janob Stiprays hamda “O‘zbekkino” MA bosh direktori Furqat Zokirov ushbu kinofestival bu yil o‘zbek tomoshabini tomonidan iliq kutib olinganini va uni kelasi yilda ham yuqori saviyada o‘tkazishdan har ikki tomon manfaatdor ekanligini ta’kidladi.
Dastlabki kelishuvga ko‘ra, Yevropa kinosi kunlarini 2018-yilning may oyida Toshkent shahrida, kuz oylarida esa yana ikkita viloyatda o‘tkazish belgilab olindi.
Izoh (0)