Akfa Medline — diagnostika va davolashning zamonaviy uskuna hamda jihozlariga ega, yuqori malakali tibbiyot xodimlari ishtirokida murakkab amaliyotlarni o‘tkazishga mo‘ljallangan, O‘rta Osiyodagi eng yirik xususiy, ko‘p tarmoqli tibbiyot markazi 1-dekabr kuni faoliyatini boshlaydi.
Ushbu markaz 2017—2021-yillarga mo‘ljallangan O‘zbekiston taraqqiyot strategiyasining mamlakatimiz aholisi va xorijiy davlatlar fuqarolari uchun tibbiy xizmatlar ko‘rsatish faoliyatini takomillashtirish chora-tadbirlari doirasida Akfa kompaniyalar guruhi tomonidan tashkil qilindi.
Eng zamonaviy va innovatsion tibbiy texnikalar bilan jihozlangan
Akfa Medline tibbiyot markazi Siemens, Karl Storz, Carl Zeiss, Roche Diagnostics, Human, Medifa-hesse GmbH & Co.KG, Medizintechnik, Dornier Compact Sigma (Germaniya), GE Healthcare, Codonics (AQSh), Schiller (Shveysariya), Olumpus (Yaponiya) kabi sohadagi yetakchi kompaniyalarning zamonaviy hamda innovatsion diagnostika, davolash va jarrohlik qurilmalari bilan jihozlangan.
Xorij klinkalarining muqobili bo‘lishi uchun malakali shifokorlar jamlangan
Markazda hindistonlik va o‘zbekistonlik yuqori malakali shifokorlar bilan bir qatorda yosh mutaxassislar ham faoliyat olib borishadi. Vrachlar tarkibini tashkil qilish va bemorlarni davolashda, Akfa Medline tibbiyot markazi Hindiston, Janubiy Koreya, Germaniya klinikalarining yurtimizdagi muqobili bo‘lishiga katta e’tibor qaratildi.
Oddiy tekshiruvlardan to qiyin jarrohlik ishlarigacha amalga oshiriladi
Markaz klinik laboratoriya diagnostikasi, ultratovushli diagnostika, tibbiy radiologiya, rentgenologiya, terapiya, ginekologiya, gastroenterologiya, dietologiya, fizioterapiya, otorinolaringologiya, urologiya, pediatriya, kardiologiya, oftalmologiya, nevrologiya, endoskopiya, ortopediya, jarrohlik va neyrojarrohlik yo‘nalishlarida tibbiy xizmatlarni ko‘rsatadi.
Shuningdek, kardiojarrohlik, endokrinologiya, allerologiya, tibbiy kosmetika, plastik jarrohlik, stomatologiya, laparoskopik jarrohlik, mikrojarrohlik, travmatologiya va boshqa yo‘nalishlarni yo‘lga qo‘yish uchun ham ishlar olib borilmoqda.
Bundan tashqari, klinika hududida buyrak-tosh, siydik yo‘li, buyrak va o‘t yo‘llari kasalliklari, tuz almashishi buzilganda va qandli diabetda foyda bo‘ladigan mineral suv bulog‘i mavjud.
Markazning umumiy maydoni 2 gektar va 5 ta blokdan tashkil topgan
Blok A — 166 o‘rinli restoranda sog‘lom ovqatlanish asoslariga katta e’tibor beriladi va bemorlar ovqatining o‘ziga xos xususiyatlari inobatga olinadi. Blokda yana alohida furshet zonasi va zamonaviy JBL akustik tizimiga ega 190 o‘tirish joyiga mo‘ljallangan konferens zal mavjud.
Blok B — 12 qavatdan iborat statsionar davolanish joyi. 1-qavatda qabul va boshqaruv bo‘limlari, 2-qavatda amaliyot oldi palatalaridan iborat reanimatsiya bo‘limlari, 3-qavatdan 11-qavatgacha barcha qulayliklari yaratilgan shinam palatalar joylashgan bo‘lib, ularning har biri shoshilinch chaqiruv pulti, alohida sanuzel va dush xonalari, LED televizorlar va ko‘p funksiyali karavotlar bilan jihozlangan.
Blok С — zamonaviy lаboratoriya bo‘lib, u immunologik, biokimyoviy va gematologik tekshirishlarni amalga oshiruvchi yuqori aniqlikdagi va to‘la avtomatlashtirilgan uskuna va asboblar bilan jihozlangan hamda uzoq masofaga video tasvirni uzatishni integratsiyalash imkonini beruvchi 7 ta amaliyot xonalaridan iborat.
Blok D — bu yerda rаdiologiya va diagnostika bo‘limlari hamda angiojarrohlik, neyrojarrohlik va kardiojarrohlik amaliyotlarini o‘tkazishga mo‘ljallangan gibrid amaliyot xonasi joylashgan.
Blok E — 3 qavatdan iborat premium-sinfli majmua eksklyuziv SPA, gidroterapiya, ulkan basseyn, jakuzi, turk hammomi, fin saunasi, fitnes zali, turli turdagi massaj o‘tkazish vannalari, Sharko dushi, sirkulyar dush, yuqoriga harakatlanuvchi dush, quruq uglevodorodli vannalar, marvaridli vannalar, fizioterapiya, elektr terapiyasi, lazer terapiyasi, elektr-magnit terapiyasi va igna refleks terapiyasi va boshqa xizmatlarni taklif qiladi.
Akfa brendi O‘zbekistonda sifatli mahsulotlari bilan qadrlanadi va Akfa Medline tibbiyot markazi ham ushbu an’ananing davomi bo‘lib, yangi soha — tibbiyotda yuqori sifatli xizmatlarni taqdim etadi.
- Manzil: Toshkent shahri, Olmazor tumani, Kichik halqa yo‘li ko‘chasi, 5-A uy;
- Mo‘ljal: “Beruniy” metro bekati;
- Telefonlar: 1141 yoki +998(71) 203-30-03
Izoh (0)