O‘tgan haftada terrorchilar tomonidan yuzlab mahalliy aholi vakillari o‘qqa tutilgan Misrning Sinay yarim oroli shimolida joylashgan Ar-Rauda masjidi 29-noyabr kuni qayta ochildi. Bu haqda Misr diniy mulk vazirligining Shimoliy Sinaydagi boshqarmasi boshlig‘i Muhammad Al-Aashning so‘zlariga asoslanib, “TASS” xabar bermoqda.
Uning so‘zlariga ko‘ra, masjid 29-noyabr, chorshanba kuni ishga tushirilgan va dindorlarga xizmat ko‘rsatmoqda.
Al-Aash Ar-Rauda masjidida namoz o‘qish ta’mirlash ishlari nihoyasiga yetgach, namozxonlar uchun yangi gilamlar to‘shalganidan so‘ng boshlab yuborilganini qo‘shimcha qildi.
Avvalroq, Ar-Rauda masjidining ta’mirlash ishlari 1-dekabr, juma kuni yakunlanishi haqida ma’lum qilingan edi.
Diniy mulk vazirligi vakilining so‘zlariga ko‘ra, tashkilot tomonidan tashkil etilgan maxsus texnik komissiya masjidga yetkazilgan moddiy zarar besh ming dollar atrofida ekanligini aniqlagan edi.
Izoh (0)