29-noyabrning e’tiborga molik yangiliklari — “Daryo”ning kechki dayjestida.
1. Shavkat Mirziyoyev: “Ochiq tan olish kerakki, biz o‘z oldimizga qo‘ygan, el-yurtimiz kutayotgan natijalarga hali to‘la erisha olganimiz yo‘q”. Prezident kuni kecha hukumat tarkibida jiddiy o‘zgarishlarni amalga oshirdi. Buning natijasida, Sherzod Shermatovning aytishicha, hukumatdagi “umidchilar” soni to‘rttaga yetgan.
2. Nyu-Yorkda terakt uyushtirishda ayblangan Sayfullo Soipov sudda aybini tan olmadi. U 8 ta qotillik, 12 ta o‘ldirishga urinish, IShIDga ko‘mak, zo‘ravonlik va transport vositasini shikastlashda ayblanmoqda.
3. Shimoliy Koreya 2,5 oy davom etgan “sukut”dan so‘ng yana ballistik raketa uchirdi. KXDR tomoni bayonotiga ko‘ra, yangi raketa AQShning istalgan nuqtasiga yetib borishga qodir.
4. Hibsga olingan saudiyalik shahzoda Miteb bin Abdulla 1 mlrd dollar evaziga ozod etildi. Qachonlardir taxtga yetakchi da’vogar deb hisoblanilgan saudiyalik shahzoda hukumat bilan “maqbul bitim”ga erishdi.
5. “Kobul—Toshkent” yo‘nalishi bo‘yicha ilk parvoz amalga oshirildi. Avvallari Kobuldan Toshkentga Istanbul yoki Dubay orqali 17 dan 32 soatgacha vaqt sarflab uchib kelingan boʻlsa, endi atigi 1,5 soatda yetib kelish imkoni bor.
Izoh (0)