Tambov viloyatida Eurocopter vertolyotining qulashi oqibatida halok bo‘lganlar orasida “Stal—M” kompaniyasining rahbari Vladimir Danilchenko ham bor. Bu haqda kompaniya matbuot xizmatiga tayanib, “RBK” xabar berdi.
“Biz Vladimir Danilchenkoning o‘limini tasdiqlaymiz. Batafsil ma’lumotlar keyinroq beriladi”, — deya ma’lum qiladi kompaniya.
“Stal—M” kompaniyasi Tambov viloyatining Borshchevka qishlog‘ida ro‘yxatdan o‘tgan. Kompaniya chiqindilar va qora metallarni qayta ishlash bilan shug‘ullanadi.
Eurocopter-120 vertolyoti 28-noyabr kuni Tambov viloyatining Kirsanovsk tumanida halokatga uchragan. Uning qoldiqlari Shinovka aholi punktidan deyarli bir kilometr nariroqdan topilgan. Vertolyot bortidagi uchuvchi hamda yo‘lovchi bo‘lgan va ularning ikkisi ham vafot etgan.
Izoh (0)