FIFA aralashuvidan keyin Peru hukumati mamlakat futbolini tinch qo‘ydi. Terma jamoa JCh—2018 ga boradi

Rossiya mundialida o‘ynash huquqini qo‘lga kiritgan Peru termasi JCh—2018 dan chetlatilmaydi. FIFA aralashuvidan so‘ng mamlakat rasmiylari Peru Futbol Federatsiyasini tinch qo‘yishga qaror qildi.

FIFA hukumatlarning futbolga aralashuvini keskin tanqid qiladi. Aynan shu sabab bilan Kuvayt futboli xalqaro maydondan chetda qoldirilgandi. Peruda ham hukumat vakillari futbol federatsiyasini qo‘lga olishga harakat boshlagach, FIFA rasmiy tushuntirish talab qildi va yakunda o‘z maqsadiga erishdi.

Biz Jahon Chempionatiga qiyinchilik bilan yo‘l oldik. Peruliklar bu voqeani katta quvonch bilan kutib oldi va bayram qildi. Shuning uchun ham biz futbol federatsiyasini hukumat nazoratiga o‘tkazish borasidagi qonun loyihasini bekor qilamiz.

Paloma Noseda, perulik siyosatchi