2017-yilning 24-noyabrida “Ipak Yo‘li” bankida Visa xalqaro to‘lov tizimi bilan hamkorlikda Visa to‘lov kartalarini bankning Toshkent hamda mamlakatimiz hududlaridagi bo‘limlarida targ‘ib qilish bo‘yicha o‘tkazilgan kampaniya yakunlariga ko‘ra bank xodimlarini taqdirlash marosimi tashkil etildi.
Tadbirda “Ipak Yo‘li” AITB Boshqaruvi raisi vazifasini bajaruvchi Alisher Mirzayev boshchiligidagi bank jamoasi hamda Visa kompaniyasining Markaziy Osiyo bo‘yicha Bosh menejeri Galim Tabildiyev yetakchiligidagi a’zolari ishtirok etdi. “Ipak Yo‘li”ning Visa reklama kampaniyasidagi yuzi Sevara Nazarxon tantanali marosimning faxriy mehmonxoniga aylandi.
Maxsus kecha avvalida tomonlar hamkorlik taraqqiyotining muhim bosqichlariga to‘xtalib o‘tishdi. Jumladan, Visa bilan davom etib kelayotgan 10 yildan ortiq hamkorlik natijalariga ko‘ra, bank ushbu doiradagi taqdim etiladigan mahsulot hamda xizmat turlarini sezilarli darajada kengaytirdi. Bugungi kunda bank 6 toifadagi Visa kartalarini taklif etadi (Visa Electron, Visa Classic, Visa Gold, Visa Platinum, Visa Classic PayWave, Visa Platinum PayWave), savdo va internet ekvayring bo‘yicha xizmat ko‘rsatadi, 3D Secure va PayWave texnologiyalariga ega kartalarni taqdim etadi, Visa xalqaro kartalariga xizmat ko‘rsatish bo‘yicha bankomat hamda terminallarning keng tarmog‘iga ega va mamlakatning boshqa banklariga ixchamlashtirish bo‘yicha xizmat ko‘rsatadi.
Bankning pul o‘tkazmalarini rivojlantirishdagi rolini e’tirofi belgisi sifatida Visa vakillari bankka “yaqin hamkorlik va Visa kartalarini O‘zbekistonda yuqori darajada targ‘ib qilish bo‘yicha natijalari uchun” sertifikatini taqdim etishdi.
Keyin esa bank xodimlarini taqdirlash marosimi boshlandi. Visa kartalarini chiqarish va xizmat ko‘rsatish bo‘yicha faol ishi hamda ajoyib ko‘rsatkichlari uchun bankning Toshkent va boshqa hududlardagi bo‘limlarida mehnat qiluvchi bir necha o‘nlab xodimlari gul va diplomlar bilan taqdirlanishdi.
Ma’lumot uchun, VISA International Service Association — xalqaro to‘lov tizimi 1958-yilda AQShda yaratilgan. Visa kartalari orqali qilingan yillik mahsulot aylanmasi 4,8 trillion AQSh dollarini tashkil etadi.
Visa kartalari 200 dan ortiq mamlakatlarning savdo nuqtalarida to‘lov uchun qabul qilinadi. Tashkilot 21 ming moliyaviy tashkilot — to‘lov tizimi a’zolari hamda karta egalari foydalanuvchi innovatsiyaviy to‘lov mahsulotlari va texnologiyasini ishlab chiqarishda katta rol o‘ynaydi.
Reklama huquqi asosida
Izoh (0)