Ayni paytda Xalqaro press klub O‘zbekiston Prezidenti Shavkat Mirziyoyevning Janubiy Koreyaga tashrifini yoritish bilan shug‘ullanmoqda. Kun davomida ko‘plab to‘g‘ridan-to‘g‘ri efirlar uzatilishi kutilmoqda. Bu haqda “Daryo”ga Xalqaro press klub rahbari Sherzod Qudratxo‘jayev ma’lum qildi.
“Qariyb 25 kishi Prezidentning Janubiy Koreyaga tashrifini tezkorlik bilan yoritishga mas’ul bo‘lib turibdi. Kun davomida ‘O‘zbekiston 24’ telekanali orqali ko‘p marta to‘g‘ridan-to‘g‘ri efirlar uzatilishi kutilmoqda. Shuningdek, Seuldan telereportajlar berib boriladi”, — dedi u.
Eslatib o‘tamiz, Shavkat Mirziyoyev prezident Mun Chje Inning taklifiga binoan 22-noyabr kuni davlat tashrifi bilan Janubiy Koreyaga keldi.
Izoh (0)