Britaniya mudofaa vaziri 5 yil avvalgi shilqimligi uchun iste’foga chiqdi

Buyuk Britaniya mudofaa vaziri Maykl Fellon “o‘tmishdagi nojo‘ya harakati” sababli lavozimini tark etdi. Bosh vazir Tereza Meyga maktubida u jurnalist Juliya Xartliga nisbatan “hurmatsizlik” qilganini bildirgan, deya xabar beradi TJournal. 

Fellon 2002-yili, Konservativ partiya konferensiyasida Xartliga shilqimlik qilishda ayblandi. Mazkur voqea jurnalist ayol nomi oshkor etilmagan erkak tomonidan amalga oshirilgan nojo‘ya harakat haqida yana hikoya qilganidan so‘ng esga olindi. 

OAVga ko‘ra, bu erkak kechki ovqat davomida bir necha bor ayolning tizzasiga qo‘lini qo‘ygan Fellon bo‘lgan. Mansabdorning tanishlari u buning uchun o‘sha zahoti uzr so‘raganini ta’kidladi. 

Tereza Mey javob xatida Fellonga faoliyati uchun minnatdorlik bildirdi. U 2014-yildan beri mudofaa vaziri lavozimini egallab kelgandi.