Isroil bosh vaziri Suriyada Eron harbiy bazalarini joylashtirishga qarshilik bildirdi

Isroil bosh vaziri Benyamin Netanyaxu Rossiya mudofaa vaziri Sergey Shoygu bilan uchrashuvida Eron harbiy bazalarining Suriyaga joylashtirilishiga yo‘l qo‘ymasligini bildirdi. Bu haqda “Gazeta.ru” xabar bermoqda.

“Eron Isroil bunga yo‘l qo‘ymasligini tushunishi kerak”, — dedi Netanyaxu.

Shoygu va Netanyaxuning uchrashuvi Quddus shahrida bo‘lib o‘tmoqda. Mazkur uchrashuvda Isroil mudofaa vaziri Avigdor Liberman ham ishtirok etmoqda.