AQSh koalitsiyasi IShID jangarilari Rakkadan chiqib ketishiga ruxsat berdi

AQSh boshchiligidagi xalqaro koalitsiya shtabi IShID jangarilari Suriyaning Rakka shahrini tark etishi mumkinligini bildirdi. Bu haqda “RIA Novosti” xabar bermoqda.

Aytilishicha, qabila oqsoqollari koalitsiyaga hamda “Suriya demokratik kuchlari” guruhi rahbariyatiga murojaat etib, Rakkada jangarilar evakuatsiyasini o‘tkazishga, shu bilan yana qon to‘kilishining oldini olishga ruxsat berishni so‘ragan.

Ular evakuatsiya jangarilar tirik qalqon sifatida foydalanadigan tinch fuqarolarning jonini saqlab qolish imkonini berishini ta’kidlab o‘tdi.

AP’ga ko‘ra, o‘tgan hafta shaharda 4 ming tinch fuqaro turgan edi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.