Afg‘onistonda 5 yil asirlikda saqlangan amerikalik ayol, uning turmush o‘rtog‘i va 3 nafar bolasi ozod qilindi

Amerikalik ayol, uning kanadalik turmush o‘rtog‘i va 3 nafar bolalari 5 yil deganda Afg‘onistondagi “Haqqoniy tarmog‘i” guruhi asirligidan ozod qilindi. Bu haqda Forum Daily xabar bermoqda.

2012-yili 31 yoshli Keytlan Koulman, uning 33 yoshli eri Joshua Boyl va bir bolalari Kobul yaqinidagi tog‘li hududda sayohatlari davomida o‘g‘irlab ketiladi. Koulman bu payt homilador edi. Asirlikdagi 5 yil davomida juftlikning ikki farzandi dunyoga keldi.

Qutqaruv operatsiyasi Pokiston kuch tizimlari tomonidan amalga oshirildi. AQSh razvedka xizmatlari garovdagilarni kuzatib borgani va ular haqidagi ma’lumotlarni Pokiston razvedkasi bilan o‘rtoqlashgani bildirilmoqda.

AQSh prezidenti Donald Tramp garovdagilarni ozod qilishdagi roli uchun Pokistonga minnatdorlik bildirdi.