Rossiyaning Omsk shahridagi ko‘p qavatli uyda ro‘y bergan yong‘in unda yashovchilardan birining umriga zomin bo‘ldi, nabirasi esa derazadan sakrab, omon qoldi. Bu haqda “Interfaks” xabar bermoqda.
“Dastlabki ma’lumotlarga ko‘ra, ikkinchi qavatda joylashgan kvartirada bir xona butkul yonib ketgan. Alangalanish payti kvartirada bo‘lgan 7 yoshli qiz derazadan o‘zini tashladi va o‘tkinchi tomonidan tutib qolindi. Qizaloqning kvartirada qolgan bobosi halok bo‘ldi”, — deyiladi Rossiya Tergov qo‘mitasining Omsk viloyati bo‘yicha boshqarmasi xabarida.
Qiz ayni paytda kasalxonada tekshiruvdan o‘tmoqda, uning hayoti xavf ostida emas.
Izoh (0)