BMT Suriyaning Dayr-az-Zor viloyatiga eltuvchi yo‘llardan biri kesib qo‘yilganligi sabab gumanitar yordamni o‘z manziliga yetkaza olmaydi. Bu haqda 6-oktabr, juma kuni BMT bosh kotibining rasmiy vakili Stefan Dyujarrik ma’lum qildi, deb xabar berdi “RIA Novosti”.
BMT so‘nggi bor Dayr-az-Zor shahriga 27-sentabr kuni gumanitar yordamni yetkazgan edi. Dyujarrikning so‘zlariga ko‘ra, “shahar janubida joylashgan g‘arbiy qishloqlardagi janglar yo‘lning kesilishiga olib kelgan va hozirga qadar savdo va gumanitar yordamlarni yetkazishda foydalanilmayapti”.
Dyujarrikning ma’lum qilishicha, BMT Dayr-az-Zordagi millionga yaqin odamning ahvolidan xavotirda. Uning so‘zlariga ko‘ra, 4-oktabr, chorshanba kuni bo‘lgan janglar oqibatida yuzlab oilalar viloyatning shimoliga va shaharning sharqiga qarab qochgan. “Ko‘plab odamlar gumanitar yordamchilar kirishi qiyin bo‘lgan joylarga ko‘chib o‘tgan”, — dedi BMT bosh kotibining vakili.
IShID terrorchilik tashkilotining jangarilari yanvar oyining oxirida Dayr-az-Zor sharqidagi harbiy-havo kuchlarining bazasini qurshovga olib, Suriya armiyasining mingdan ortiq askarini shahardan uzib qo‘ygan edi. Garnizon o‘q-dori zaxiralari va oziq-ovqat mahsulotlarini havo orqali olib turgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)