Prezident Tramp tomonidan tasdiqlangan AQShning Afg‘onistondagi yangi strategiyasi qo‘shinlarning quruqlikdagi jangovar harakatlarda ishtirok etishini ko‘zda tutmaydi. Bu haqda shtab rahbarlari qo‘mitasi direktori general-leytenant Kennet Makkenzi ma’lum qildi, deya xabar beradi “RIA Novosti”.
“Bizning missiya afg‘on kuchlarini shug‘ulllantirish, tayyorlash, maslahat berish va kuzatuvdan iborat. Shu sababli AQSh kuchlari quruqlikdagi operatsiyalarda to‘g‘ridan-to‘g‘ri ishtirok etishi talab qilinishini kutmayapmiz. Biroq o‘z-o‘zini mudofaa holatlari bundan mustasno”, — dedi Makkenzi.
Generalga ko‘ra, strategiya AQSh qo‘shinlariga afg‘on xavfsizlik kuchlarini qo‘llab-quvvatlash uchun o‘t ochishga ruxsat beradi. Shuningdek, qo‘shinlarda “Afg‘oniston hukumati, koalitsiya yoki AQSh kuchlariga tahdid solayotgan har qanday guruh yoki subyekt”ga zarba berish imkoniyati mavjud.
Izoh (0)