AQSh Shimoliy Koreyaga zarba bermaydi, chunki amerikaliklar KXDR ixtiyorida yadro bombalari borligini aniq biladi. Bu haqda Rossiya tashqi ishlar vaziri Sergey Lavrov “NTV” telekanalining “Hafta yakunlari” ko‘rsatuvida ma’lum qildi, deya xabar beradi “Kommersant.ru”.
“Prezident Vladimir Putin amerikaliklar yoki yana kimdadir istisnosiz barcha obyektlar haqida 100 foizli ma’lumot borligini tasavvur etib bo‘lmasligini bir necha bor aytgan edi. Shimoliy Koreyani himoya qilmoqchi emasman, bunday tahlilni deyarli hech kim inkor etmasligini bildirmoqchiman, xolos”, — ta’kidladi Rossiya tashqi ishlar vaziri.
Sergey Lavrovga ko‘ra, “amerikaliklar Iroqqa faqat bu yerda hech qanday ommaviy qirg‘in quroli qolmaganligini bilgani uchungina zarba bergan”.
Izoh (0)